نظرا لزيادة عدد الاسئلة من المهتمين بطرق التجميل الحديثة في مجال الاسنان فحنة قرارنا نجاوب عليها

March 28, 2018

 

 

 

اكثر الاسئلة دى شيوعنا هى عن تبيض الاسنان وليه لون سناني بيتغير او غامق و عن الهوليوود اسميل ومين ممكن يعملها و مين لا و هل ليها اضرار ولا لا الى اخره....

تعالوا نتكلم النهارده عن اسباب تغير لون الاسنان الاول علشان نقدر نفهم ليه انا لون سنانى غامق و غيري فاتح و ليه لو في اتنين سنانهم غامقة و عملوا تبيض مثالا فواحد اسنانه افتحت و التاني لا

 هل اسباب تغير لون الاسنان هو الاساس في تحديد نوع العلاج؟

 الاجابة طبعا اه...فاكرين الاتنين صحبنا الى اتكلمني عنهم لما واحد فيهم راح عمل تبيض سنانه افتحت و التاني لا ده علشان الاول كانت مشكلته في تغير لون الطبقه الخارجيه من السنه او بنسميها المينا...اما التاني كان السبب عنده هي مشكلة في تكوين طبقات الاسنان او السنه نفسها في الغالب بتكون وراثة او  نتيجه مرض شديد و هو صغيرو المرض ده اثر على تكوين الاسنان

تغير لون الاسنان و طرق علاجها

اولا احنا محتاجين نقسم تغير لون الاسنان الي نوعين  الاول هوا سطحي و التاني داخلي

طيب سؤال هنا ايه هوا السطحي و ايه طريقه علاجه؟

التغير السطح ده بيكون نتيجة شرب مشروبات غازية كتير زى الببسى و الكوكولا , او المشروبات الدفية زي الشاي و القهوه و التدخين و ما شبها و ده بيعمل التصاق للصبغات  و التصاق الجير او البلاك على سطح الاسنان نتيجة قله الاهتمام بغسيل الاسنان و كمان قلة او عدم زيارة الطبيب الي هوا المفرض يكون كل 6 شهور علي الاقل

و في بعض الاحيان بيكون نتيجة و عدم استقامه سطح السن...

طيب ايه هوا علاج المشكلة اصفرار لون الاسنان؟

بالنسبة للجير و البلاك و الصبغات فدة بيتشال بجهاز موجات فوق الصوتية و بعد كدة بنعمل بولش او تلميع لسطح السنة الخارجية

 

طيب هل ده بيبيض لون السنان ؟

الاجابة لا ده بيدي لمعة و يرجع لون السنة الاساسي الى حدا ما

طيب اعمل ايه علاشان افتح لون اسناني الاساسى؟

دة بيتم عن طريق حاجة اسمها تبيض الاسنان باليزر و ده احسن بكتير من التبيض بالاشعة الفوق بنفسجية و للاسف كان و مازال البعض يطلق علية تبيض باليزر

طب ايه هوا الفرق بين التبيض باليزر و التبيض بالشعة البنفسجية؟

اليزر طبعا اسرع بكتير بيخد حوالي 5 دقائق في الجلسة الواحدة يعني لو عيان عمل 3 جلسات مش حاتاخد اكتر من ربع ساعة في حين الجهاز التاني بياخد ساعة الا ربع تقريبا

 

 

هوا دة بس الفرق ؟

اكيد لا دة بيقلل كتر حساسية الاسنان بعد الجلسات علشان الفترة الى تعرضة ليها الاسنان  للمدة اقل بكتير

 

هل بحتاج اكل اكل معين او اخد مسكنات؟

بعد جلسة التبيض باليزر بيكون الموضوع الطف بكتير خصوصا انه بنحط طبقة خفيفة جدا على الاسنان بيكون فيها عناصر مفيدة للسنة زى الفلوريد و بتقلل حساسية الاسنان اكتر

بالنسبة للاكل محتاج تتجنب او تقلل الماكولات المشروبات الى فيها الوان صناعية و الحاجات الى ذكرناها بالاضافة الى زيارة طبيب السنان الخاص بيك كل 6 شهور علشان تمنع تكون الجير و البلاك من تاني